Ai Familiari, Cicerone, Versione di Latino, Cicerone a Bitinico

Di Redazione Studenti.

Testo originale in Latino del Libro 06; parte 17, Cicerone a Bitinico, de Ai Familiari di Cicerone

AI FAMILIARI: LIBRO 06; PARTE 17, CICERONE A BITINICO

Cum ceterarum rerum causa cupio esse aliquando rem publicam constitutam, tum velim mihi credas accedere etiam, id quo magis expetam, promissum tuum, quo in litteris uteris; scribis enim, si ita sit, te mecum esse victurum. Gratissima mihi tua voluntas est, facisque nihil alienum necessitudine nostra iudiciisque patris tui de me summi viri; nam sic habeto, beneficiorum magnitudine eos, qui temporibus valuerunt ut valeant, coniunctiores tecum esse quam me, necessitudine neminem. Quamobrem grata mihi est et memoria tua nostrae coniunctionis et eius etiam augendae voluntas.